Tuesday, January 16, 2018

(புன்) நகைத்துச் செல்ல


                              (புன்)    நகைத்துச் செல்ல
                               -------------------------------

இவற்றைப்படித்து காதில் ரத்தம்வந்தால் நான்பொறுப்பல்ல
கேள்வி –எந்தப்போரில் நெப்போலியன்  இறந்தான்
பதில் – அவனது கடைசிப் போரில்
கேள்வி –சுதந்திரப் பிரகடனம்  எங்கு கயெழுத்திடப்பட்டது?
பதில் –பிரகடனப்பத்திரத்தின் கடைசியில்
கெள்வி –தோல்விகளின் காரணமென்ன ?
பதில் –பரீட்சைகள்
கேள்வி _கலைச் சிற்றுண்டியில் எதை சாப்பிட முடியாது?
பதில் –மதிய இரவு உணவுகளை
கேள்வி –அரை ஆப்பிள் மாதிரி தோன்றுவது எது?
பதில்- அதன்மற்ற பாதி
கேள்வி-சிவப்புக் கல்லை நீலக்கடலில் எறிந்தால் என்னாகும்  ?
பதில் –ஈரமாகும்
கேள்வி-ஒருவர் எட்டு தினங்கள் தூங்காமல் இருந்தால் என்னாகும் ?
பதில் –ஒன்றுமாகாது.அவர் இரவில் உறங்கலாம்
கேள்வி-உன் ஒரு கையில் நான்கு ஆப்பிள்கள் மூன்று ஆரஞ்சுகள்
மறுகையில் நான்கு ஆரஞ்சுகள் மூன்று ஆப்பிள்கள் இருந்தால் உன்னிடம் இருப்பது என்ன?
பதில் –இரண்டு பெரிய கைகள்
கேள்வி –ஒரு யானையை ஒரு கையால் தூக்குவது எப்படி?
பதில்  -- ஒருகையுள்ள யானையே கிடையாது
கேள்வி –எட்டுபேர் ஒரு சுவற்றை நான்கு மணி நேரத்தில் கட்டினால் நான்கு பேர் அச்சுவற்றைக் கட்ட எவ்வளவு நேரமாகும் ?
பதில்  நேரமே வேண்டாம் .. சுவர் ஏற்கனவே கட்டியாயிற்றே
கேள்வி-ஒரு முட்டையை காங்கிரீட்  தளத்தில் விரிசலாகாமல் போடுவது எப்படி ?
பதில் –சாதாரணமாக காங்கிரீட் தளங்கள் விசிசலாவதில்லை
கேள்வி – River Raavi  flows in which state
பதில் In fluid state

 இனி கொஞ்சம் ஆங்கில அறுவை

1)   At a movie theatre  which arm rest is yours
2)   In the word scent  is S silent or C silent
3)   If people are evolved from monkeys  why are monkeys still around
4)   Why is there a D in fridge but not in refrigerator
5)   Who knew what time it was when the first clock was made
6)   If pros and cons are opposite won”t the the opposite of progress be congress
7)   Wonder why the word funeral starts  with FUN

டிஸ்கி … இங்கு எழுதப்பட்டவற்றுக்கு நான்பொறுப்பல்ல கேட்டதும் படித்ததும்பகிரப்படுகிறது
  
   
 
  

Sunday, January 14, 2018

பொங்கல் கதையுடன் வாழ்த்து


                         பொங்கல்  கதையுடன் வாழ்த்து
                        -------------------------------------------------
 ஒவ்வொரு விழாவுக்கும் ஒரு கதை உண்டு ஜனவரி 14ம் நாள் பொங்கல்  அதே பொங்கல் நாளன்று சபரிமலையில் மகர சங்கராந்தி அன்று மாலை பொன்னம்பல மேட்டில்  அய்யப்பனே ஜோதி வடிவில் காட்சி தருகிறான் என்னும் எண்ணத்தில் சபரி மலையில் பக்தர்கள் கூட்டம் அலைமோதும்  அது அய்யப்பனின் ஜோதிஅல்லச் மனிதர் ஏற்றும் தீப்பந்தமே என்று அதிகார பூர்வமாக அறிவிக்கப்பட்டும் ஜோதி தரிசனம்காண வரும் மக்கள் கூட்டம்  குறைய வில்லைபழையன கழித்து புதியன புகுத்தும்விதமாக பொங்கலுக்கு முதல் நாளா போகி கொண்டாடப்படுகிறது இதற்கு இன்னொரு கதையும்  உண்டு அந்தக்காலத்தில் ஆயர் பண்டிகை இந்திரனுக்கே உரித்தாயிற்று  அதுவே அந்த நாள் இந்திர விழாவாயிற்று
இந்திரனுக்கு விழாகூடாது மரம்நிறைந்த மலைக்கன்றோ விழாவேண்டும்  என்று கூறிய கோபாலன் பால் கோபம் கொண்டு இடியுடன் பெரு மழையும் தோற்றுவித்தான்  இந்திரன் மலைத்தூக்கி கொடையாய் எடுத்து  ஆயர் துயர் துடைத்தான்கண்ணன்
செறுக்கொழிந்த இந்திரனுக்கு தொடரும்விழா போகி அவனிடம் இருந்து ஆயர்களையும் ஆநிரைகளயும்  காத்த நாள் சூரிய நாராயண வழிபாடாயிற்று பரிதிக்கு நன்றி நவில அதுவே பொங்கலுக்கு வித்தாயிற்று  அறுவடை செய்த புது அரிசி கொண்டு  பொங்கல்  படைத்து மக்கள் மகிழும்திருநாளே பொங்கல் உழவருக்கு உதவும்  ஆநிரைக்கு நன்றி சொல்லும்  நாளே மாட்டுப் பொங்கல்

மகரம் என்றால் சூரியன்  அவன் தனுர் ராசி விட்டு
மகர ராசிக்குள் நுழையும் காலம் உத்தராயணம் எனப்படும்        
பகலவனும் பாதை மாறிப்
பயணம் செய்யத் துவங்கும்
இந்நாளே மகர சங்கராந்தி
இது ஒரு உழவன்  திருநாள் 
தமிழர்களுக்கே உரித்தானது போன்ற
மயக்கம் ஏனோ உழைக்கும்  மக்கள்
மனம் மகிழும் நந்நாள் 

ஆண்டின்  துவக்கமே இந்நாள் என்று
அரசாணை இட்டு மாற்றவும் அந்தோ முயன்றனர்
நாளெல்லாம் ஒன்றுபோல் இருக்க
நன்றி நவிலக் கொண்டாடும் திருநாளில்
தைபிறந்தால் வழி பிறக்கும்என்னும் நம்பிக்கையே ஆதாரம்
முற்றிய கன்னலுடன் சூல் முற்றிக்
கதிர் சாய்ந்த செந்நெல் குத்திய
புத்தரிசி கொண்டு புதுப் பானையதனில் பொங்கலாக்கி
படைத்திடும்  இந்த நாளில்  அனைவருக்கும்  வாழ்த்து கூறு கிறேன் 
பொங்கும் மங்களமெங்கும்  தங்குக 

(இதில் ஒரு பாதி மீள்பதிவு )
 


Thursday, January 11, 2018

நினைவுகளுக்கு பஞ்சமில்லை


                                     நினைவுகளுக்கு பஞ்சமில்லை
                                   --------------------------------------------------

நினைவுகளுக்குப் பஞ்சமில்லை
இம்மாதம் ஐந்தாம்  தேதியே மனைவி  நினைவு படுத்தி விட்டாள் சனிக்கிழமை ஆறாம்  தேதி பஹுள பஞ்சமி திருவையாறு  ஆராதனைகள் நேரலையில் ஒளிபரப்பாகும்   கேட்கவேண்டும் என்றாள் எனக்கு திருச்சியில் இருந்தபோது 1980 களின்  துவக்கத்தில் திருவையாறு பஞ்சமி கீர்த்தனைகளைக் கேட்கச் சென்றது நினைவிலாடியது இன்னும் ஒருமுறை பெங்களூரில் இருக்கும் பொது ஆஸ்திரேலியா இந்தியாவுக்கிடையே நடந்தடெஸ்ட் மாட்சை யும்   ஆராதனையையும்  விட்டு விட்டுக் கேட்டதும் நினைவுக்கு வந்தது அன்று போல் இன்றும் டெஸ்ட் மாட்ச்தான்   ஆஃப்ரிகா இந்தியா இடையே ஆனால் பஞ்சமி    கீர்த்தனைகள்முடிந்த பின்  ஆட்டம் தியாகராஜர் எத்தனையோ கீர்த்தனைகள்பாடியிருந்தும்  ஐந்து கீர்த்தனைகள் கொண்டு மட்டுமே ஆராதனை நடத்தப்படுகிறது  மேலும்  நான்காவது கீர்த்தனையான கனகன ருசி என்னும்  கீர்த்தனை வராளி ராகமாம் ( இதெல்லாம்  ஸ்ரீராமுக்கு அத்துபடியாயிருக்கும்  ) அந்த ராகத்தை யாரும்  சொல்லிக் கொடுக்க மாட்டார்களாம்   சொல்லிக் கொடுக்காமலா இத்தனை பேரும் ஆராதனையில், பாடுகிறார்கள்
நாங்கள் திருவையாறுக்கு ஆராதனைக்குச் சென்றுவந்ததெல்லாம்  நினைவில்  வருகிறது  காலையில் உணவு எடுத்துக் கொண்டு போய் ஆற்றின் கரையில் உண்டதும்  பாடல் வரிகளைப் பார்க்க கொடுக்கப்பட்டிருந்தசின்ன ஏட்டுடன்  கூடவே  பாடமுயற்சி செய்ததும் இப்போது நினைத்தால் தமாஷாக இருக்கிறது  இந்தமுறை ஆராதனை ஒளிபரப்பாகும்போது காமிராவில் சில பகுதிகளைப் பதிவாக்கினேன்  ஆனால் பகிர முடியவில்லை நீளம்  அதிகமானபடியால்பகிர முடியவில்லை

பழைய நினைவுகளை புரட்டிப் பார்க்க வைத்த விஷயம்  இன்னொன்றுண்டு இந்தவிலை வாசிகள். அன்றும் இன்றும்   எண்ணி பார்க்கவும் முடியவில்லை என்மகன்  எனக்கு அனுப்பி இருந்த சில படங்கள் அந்தக் காலநினைவுக்கு இழுத்துச் சென்றது அதற்குமுன் 

  ஒரு பாட்டின்  வரி

அஞ்சு ரூபா நோட்டு  கொஞ்ச முன்ன மாத்தி மிச்சமில்லை  காசு மிச்சமில்லை 
கத்திரிக்காய்  வெல கூட கட்டவில்ல ஆச்சு காலங் கெட்டு போச்சு 

  என் மனைவி அந்தக் கால செலவுகளை அங்கும் இங்கும்  குறித்து       வைத்திருக்கிறாள்  எரிவாயு சிலிண்டரின் விலை ரூ 26 /- என்றுஎழுதப்பட்டு இருக்கிறது இன்னும்  சில விலைகளுமிருக்கின்றன ஆனால் குவாண்டிடி குறிப்பிடப்படாததால் இங்கு சொல்ல முடியவில்லை நாங்கள் விஜய வாடாவில் இருந்தபோது (1976-1980) தங்கம் ஒரு சவரன்  ரூ 200. என்னும் அளவில் இருந்தது நாங்கள்பெங்களூர் வந்தபோது நாங்கள் தங்கியிருக்கும்   இடத்துக்கும்   சிவாஜி நகருக்கு ம்பேரூந்து கட்டணம் ரூ. ஒன்று அதுவே இப்போது ரூ25 /- சிலபடங்களை இடுகிறேன்   எழுத  இருப்பதை விட அவை நன்குவிளக்கும்

பெட்ரோல் விலை ஒரு பில் 
சினிமா டிக்கெட் 

 சில அரிய புகைப்படங்கள் 

      
  
இப்போது எப்படி இருக்கிறது 

.
மாற்றமொன்றுதான் மாறாதது



நான் பிறக்கும் முன் 


அரசியல் தலைகள் 

அந்த நதி எங்கே 

விலையை பாருங்கள் 
பதிவில் நான் எழுதி இருந்த விலையைப் பாருங்கள்

சங்கீத வித்தகிகள்

















.

Monday, January 8, 2018

தர்க்கமா குதர்க்கமா



                                                     தர்க்கமா குதர்க்கமா
                                                     --------------------------------

கேள்வி:- இரண்டுபேர் சிம்னியில் இருந்து இறங்கி வருகிறார்கள். ஒருவரது முகம் சுத்தமாக இருக்கிறதுமற்றவருடைய முகம் அழுக்காக இருக்கிறது. இருவரில் யார் முகத்தை கழுவுவார்கள். ?

பதில்:- அழுக்கான முகத்தோடு இருப்பவரே கழுவுவார்,

தவறு,! தூய்மையான முகத்தை உடையவரே கழுவுவார். யோசித்துப்பார். அழுக்கான முகத்துடன் இருப்பவர் சுத்தமான முகத்துடன் இருப்பவரைப்பார்த்து தன் முகமும் அதேபோல் இருப்பதாக நினைத்துக் கொள்வார். சுத்தமாக இருப்பவரோ அழுக்கானவரின் முகத்தைப் பார்த்து தன் முகமும் அழுக்காக இருப்பதாக  நினைத்துக் கொள்வார்.எனவே சுத்தமான முகம் உடையவரே முகத்தைக் கழுவுவார்...!

மிகவும் சாமர்த்தியமான பதில்தான் இன்னொரு கேள்வி கேளுங்கள்...

கேள்வி:- இரண்டுபேர் சிம்னியிலிருந்து இறங்கி வருகிறார்கள். ஒருவரது முகம் சுத்தமாக இருக்கிறதுமற்றவரது முகம் அழுக்காக இருக்கிறது யார் முகத்தைக் கழுவுவார்.?

பதில்:- மீண்டும் அதே கேள்வியா?இதற்கான பதில் தெரிந்ததுதானே. தூய்மையான முகத்துடன் இருப்பவர்தான் கழுவுவார்.

தவறு, .! இருவருமே தங்கள் முகத்தைக் கழுவுவார்கள். ஒரு சின்ன லாஜிக்கை நினைத்துப் பார். அழுக்கு முகத்துடன் இருப்பவர் சுத்தமான முகத்துடன் இருப்பவரைப் பார்ப்பார். எனவே தனது முகமும் சுத்தமாக இருப்பதாக நினைப்பார். சுத்தமான முகத்தை உடையவர் ச்ழுக்கான முகமுடையவரைப் பார்த்து தன் முகமும் அழுக்காக இருப்பதாக நினைத்துக்
    
    தன் முகத்தை கழுவுவார். அதைப் பார்த்து அழுக்கான முகமுடையவரும் தன் முகத்தைக் கழுவுவார்.எனவே இருவருமே தங்கள் முகத்தைக் கழுவுவார்கள்.

நான் இதை யோசித்துப்பார்க்கவில்லை. எனது தர்க்கத்தில் இப்படிஒரு தவறா.?
மீண்டும் கேள்வி கேளுங்கள்

கேள்வி:- இரண்டு பேர் சிம்னியில் இருந்து இறங்கி வருகிறார்கள்.ஒருவர்
முகம் சுத்தமாக இருக்கிறது. மற்றவருடையது அழுக்காக இருக்கிறது. யார் முகத்தை கழுவுவார்.?

பதில்:- மீண்டும் அதே கேள்வி....! இருவருமே முகத்தைக் கழுவுவார்கள்.

தவறு. இருவருமே கழுவ மாட்டார்கள். அழுக்கான முகமுடையவர் சுத்தமான முகம் இருப்பவரைப்பார்த்துத் தன் முகமும் சுத்தமாக இருப்பதாகநினைத்துக் கொள்வார். சுத்தமான முகமுடையவர் மற்றவரைப் பார்த்துத் தன் முகமும் அழுக்காக இருப்பதாக நினைத்துக் கொள்வார். ஆனால் அழுக்கான முகமுடையவர் தன் முகத்தைக் கழுவாதது பார்த்துத் தானும் கழுவமாட்டார். எனவே இருவருமே கழுவ மாட்டார்கள்.

தயவு செய்து இன்னொரு முறை தேர்வு வையுங்கள்
கேள்வி:- இரண்டுபேர் சிம்னியிலிருந்து இறங்கி வருகிறார்கள். ஒருவர் முகம் சுத்தமாக இருக்கிறது. மற்றவர் முகம் அழுக்காக இருக்கிறதுயார் முகத்தைக் கழுவுவார்கள்.?

பதில்:- இருவருமே கழுவ மாட்டார்கள்....!

தவறு.இரண்டுபேர் சிம்னியிலிருந்து கீழே வரும்போது ஒருவர் மட்டும் தூய்மையான முகத்துடனும் மற்றவர் அழுக்கான முகத்துடனும் எப்படி இருக்க முடியும் .எனவே கேள்வியே முட்டாள்தனமானது. முட்டாள்தனமான கேள்விகளுக்குப் பதில் சொல்ல முயன்றால் விடைகளும் முட்டாள்தனமாகத்தான் இருக்கும்.

யூத மதத்தைச் சார்ந்த  ராபி ஷ்வார்ட்ஸிடம் ஸீன் கோல்ட்ஸ்டீன் என்ற 20 வயது இளைஞன்  தான் தத்துவத்தில் பட்டம் பெற்றிருப்பதாகவும் சாக்ரடீஸின் தர்க்கத்திலும் டாக்டர் பட்டம் பெற்றிருப்பதாகவும் கூறி தால்மத் பற்றிப் படிக்கக் கருதுவதாகவும் தெரிவித்தான்
அதற்கு ராபி வைக்கும் பரிசோதனையில் வெற்றி பெற்றால் அதைச் சொல்லித் தருவதாகக் கூறி வைத்த பரீட்சையே மேலே படித்தது.
உண்மையைத் தேடுவதுதான் முக்கியமே தவிர  விடையைக்கண்டுபிடிப்பது முக்கியமல்ல. அண்மையில் இறையன்பு அவர்கள் எழுதி இருந்ததைப் படித்ததில் இருந்து

இன்னொரு பகுதி

காலை நேரத்தில் ஒருவர் புத்தரிடம் வந்து கடவுள் இருக்கிறார் அல்லவா “ என்று கேட்டார்.
புத்தர் இல்லைஎன்றார்
மதியம் ஒருவர் வந்து கேட்டார்கடவுள் இல்லைதானே
புத்தர் “ இருக்கிறார் “ என்று கூறினார்.
மாலையில் ஒருவர் வந்து “ கடவுள் இருக்கிறாரா இல்லையா என்று எனக்குத் தெரியவில்லை “ என்றார்.
உடனே புத்தர் “ நீ சரியான கேள்வியைக் கேட்கிறாய்என்றார்.
புத்தருக்கு அருகில் இருந்தவருக்கு குழப்பமாகி விட்டது. “ நீங்கள் ஒரே கேள்விக்கு மூன்று விதமான பதில்களைச்சொல்கிறீர்களே ஏன் “ என்று கேட்டார்.
கேள்வி கேட்டவர்களுக்கு ஏற்ற மாதிரி பதில் இருந்தது “என்றார் புத்தர்.
“காலையில் வந்தவர் கடவுள் இருக்கிறார் என்று ஏற்கனவே முடிவு செய்து கொண்டு வந்து என்னிடம் அந்தக் கேள்வியைக் கேட்டார். நான்இல்லைஎன்று சொன்னேன். அதனால் அவர் சுயமாகத் தேடத் துவங்குவார். மதியம் வந்தவர் ‘கடவுளில்லைஎன்று முடிவு செய்துவிட்டு என்னிடம்வந்து கேட்டார்..அவரிடம் இருக்கிறார் என்று சொன்னால்தான் தானாகத் தேடலைத் தொடங்குவார். மூன்றாம் நபரோ ஏற்கனவே தேடிக்கொண்டிருக்கிறாரெனவே அவர் பார்வை சரியானது என்று விளக்கினேன். கேள்விகளுக்கு நான் பதில் அளிப்பதில்லை.கேள்வி கேட்பவரைப் பொறுத்தே பதில் அளிக்கிறேன் “ என்றார்.

.

.



Friday, January 5, 2018

கதையும் நிகழ்வும்


                              கதையும்  நிகழ்வும்
                             ---------------------------------
பலநேரங்கள் என்ன எழுதி பகிர்வது என்று தோன்றும் நிஜ வாழ்க்கை சம்பவத்தோடு இணைக்கும்  ஒரு பதிவு இது
 அந்தக்காலத்தில் திரு மதுரையை கூன்  பாண்டியன்  என்னும்  அரசன் ஆண்டு வந்தானாம்  அவன் சமண சமயத்தைச் சேர்ந்தவன்  திரு ஞான சம்பந்தரும்  சில சைவக் குரவர்களும் தங்கி இருந்த மடாலயத்தை சமணர்கள் தீ வைத்துக் கொளுத்தி விட்டனராம்  அதன்பின் ,( அதன் விளைவால் என்கிறார்கள் ) மன்னனுக்கு வெப்பநோய் தாக்கி வேதனைக் குள்ளானான்  சமண்ர்கள் செய்த மருத்துவம்பலிக்க வில்லை மன்னன் தொடர்ந்து வேதனை அனுபவித்தான்  மன்னனின் சகோதரி சைவ சமயம்  சார்ந்தவள் மங்கையர்க்கரசி   ஞான சம்பந்தரிடம் கூறி பரிதவித்தாளாம் மன்னன் நலமடைய ஆலவாய் அண்ணலின்  ஆலயத்திலிருந்து திருநீறு  கொண்டு வரச் செய்து மன்னனின்  உடலில் பூசி  திருநீற்றுப் பதிகத்தைப் பாடினாராம்
 பாண்டிய மன்னனின்  வெப்ப நோய் நீங்கிற்றாம்  அதற்கு மேலும் அவனது கூன்  நீங்கி நெடுமாற பாண்டியன் ஆனானாம் மன்னன்  சைவ சமயத்தில் சேர்ந்தான்     பல சமணர்களும் வாதில் வெல்லப்பட்டு கழு வேற்றப்பட்டனராம்
மேலே கூறியது படித்து கேட்ட கதை திரு ஞானசம்பந்தர்  திருநீற்றுப் பதிகம் பாடிய கதை  
 இனி கூறப்போகும் சம்பவம் நிஜத்தில் நடந்தது
திருச்சியில் கொதிகலன்  தொழிற்சாலையில் இருந்தபோது  ஒரு ஆத்ம நண்பனுக்கு இதய நோய் வந்து மருத்துவமனையில் சேர்க்கப் பட்டிருந்தார்  அவருக்கு நோய் முற்றி டெலிரியம் வந்து சப்தம் போட்டுக் கொண்டிருந்தார் அவரது முடிவு நெருங்கியது அவருக்குத் தெரிந்திருக்க வேண்டும் போகும்போது பயம் கூடாது என்பதால் நான் அங்கிருந்த கோவிலுக்குச் சென்று  வேண்டிக் கொண்டு  சிறிது விபூதி கொண்டு வந்து  அவரை ஆசுவாசப் படுத்தி  திருநீறைப் பூசினேன் அவரது உபாதை குறைய வில்லை சிறிது நேரம் கழிந்து நான்  அவரைப் பார்க்கப் போனபோது கோபத்துடன்   “நீயும் உன் விபூதியும்  நீயே பூசிக் கொள் “ என்று இரைச்சலிட்டார்  வெகு விரைவில் அவரது உயிர் பிரிந்தது

கங்காளன் பூசுங் கவசத் திரு நீற்றை
மங்காமல் பூசி மகிழ்வீரே யாமாகில்
தங்கா வினைகளும் சாரும் சிவகதி
சிங்காரமான  திருவடி சேர்வீரே
                      (திருமந்திரம்)
நண்பர் சிங்காரமான திருவடி சேர்ந்தாரா தெரியவில்லை       
    





Wednesday, January 3, 2018

மார்கழித் திங்கள்


                                     மார்கழித்திங்கள்
                                    ---------------------------

- 
இந்தப்பதிவை நானெழுதுவதே பலருடைய புருவத்தை உயர்த்தும் எனக்கு இறை இலக்கியங்களில் ஈடு பாடு உண்டு தமிழ் வளர்ந்ததே அவற்றால்தான் என்று நினைப்பவன் மேலுமொரு காணொளியும் கிடைத்தது அதை உபயோகிக்கும் விதமாக இந்தப் பதிவு எழுதுமெண்ணம் எழுந்தது ஆண்டாள் அவதரித்த ஸ்ரீ வில்லிபுத்துரின் கோபுரங்கள் திருப்பாவையின்  பாடல்களுக்கு எடுத்துக்காட்டாக இருப்பவை என்று சொல்கிறார்கள் 
 முதலில் காணொளி பின்  பாடல் வரிகள் தரலாம் என்றிருந்தேன்   ஆனால் பாடல் வரிகள் இணையத்தில் இரைந்துகிடக்கின்றன  மேலும் திருப்பாவை பற்றி அறியாதோர் மிகக் குறைவே என்று நினைக்கிறேன்  பலரது பதிவுகளிலும்  வந்தவை  வருபவை ஆதலால்  பாடல் வரிகள் இடவில்லை 





இன்று மார்கழி 19ம் தேதி  இன்றைக்கான திருப்பாவை பாடல் மட்டும்  இதோ 


 19) குத்து விளக்கெரிய கோட்டுக் கால் கட்டில் மேல் 
மெத்தென்ற பஞ்ச சயனத்தின் மேல் ஏறிக்
கொத்தலர் பூங்குழல் நப்பினை கொங்கை மேல் 
வைத்துக் கிடந்த மலர் மார்பா வாய் திறவாய்
மைத் தடம் கண்ணினாய் நீ உன் மணாளனை 
எத்தனை போதும் துயிலெழ ஒட்டாய் காண்
எத்தனையேலும் பிரிவு ஆற்றகில்லாயால் 
தத்துவம் அன்று தகவேலோர் எம்பாவாய்

 ஏலோர் எம்பாவாய் பொருள் புரியவில்லை தெரிந்தவர் விளக்கலாம் 

                 ஆருத்ரா தரிசனம்  முன்னிட்டு ஆடும் நடராஜர் படம்    












Monday, January 1, 2018

புத்தாண்டு வாழ்த்தும் பிரமாணங்களும்



                  புத்தாண்டு வாழ்த்தும்  பிரமாணங்களும்
                -----------------------------------------------------------------
ஆண்டு பிறப்பதும் பிரமாணங்கள் எடுப்பதும் 
தொன்று தொட்டு வரும் வழக்கங்களாகி விட்டன
ஏதும்  செய்ய இயலாது என்று அறிந்தும் வாழ்த்துவது
தொடர்கிறது . எல்லாமே ஒரு நம்பிக்கைதான்  எதிர்பார்ப்புதான்
என் வயதொத்தவர்க்கு வேண்டல் எல்லாமே
பிறர் நன்மை கருதுவதும்  அவர்களுக்கு
இன்னல்கள் ஏதும்  தராமல் போவதும்தானே   

      ஆண்டொன்று   போக  அகவை ஒன்று  கூட
         
நடந்ததை  எண்ணி  அசை போட
         
நன்கே  வாய்த்த  புத்தாண்டே
         
உன்  வரவு  நல்வரவாகுக..

வேண்டத்தான்  முடியும்,  எண்ணியபடி
மாற்றத்தான்  முடியுமா.?
நடைபயிலும்  அருணோதயத்தில்
வந்துதித்த   ஞானோதயமா .?

          
வேடிக்கை மனிதர்போல் வீழ்வேனென்று
          
நினைத்தாயோ   என்றவனே
          
வாடிக்கை மனிதர்போல்தானே மாண்டுபட்டான்.
          
அவன் பாட்டின் தாக்கம் அது இது
          
என்றே கூறி பலன் பல பெறுவதே
          
பலரது நோக்கம் என்றானபின்
         
இருந்தபோது இல்லாத பெயரும்  புகழும்
          
இறந்தபின்  வந்தார்க்கென்ன  லாபம்.?

எனக்கொரு  நூறு  இளைஞர்கள்  தாரீர்
மாற்றிக்காட்டுகிறேன்   இவ்வுலகை, -உள்ளப்
பிணியிலிருந்து அதை மீட்டுத்தருகிரேன்
என்றே சூளுரைத்த விவேகானந்தன்
கேட்டதனைப்   பெற்றானாஇல்லை
சொன்னததனை செய்தானா.?

          
அக்கினிக் குஞ்சான  அவர்தம் வார்த்தைகள்
          
வையத்து   மாந்தரின்  உள்ளத்தே
          
ஆங்காங்கே  கணப்பேற்றி இருக்கலாம்
           
சில  கணங்கள்  உள்ளத்து  உணர்வுகளை
           
உசுப்பேற்றி  இருக்கலாம் - என்றாவது
          
அவனிதன்னை  சுட்டுத்தான்  எரித்ததா.?

நன்மையையும்  தீமையும்இரவும் பகலும்,
நாளும்  நடக்கும் நிகழ்வுகள்  எல்லாம்
இயற்கையின்  நியதி.
கூடிப் புலம்பலாம்,  ஒப்பாரி  வைக்கலாம்,
நடப்பதென்னவோ  நடந்தே  தீரும்.
நீயும்  நானும்  மாற்றவா  முடியும்.?
எண்ணி மருகினும் இயலாத  ஒன்று.

    புத்தாண்டுப்   பிரமாணம் ஏற்க
          
எண்ணித் துணிந்து விட்டேன்.
          
நாமென்ன  செய்ய  என்றே
          
துவண்டாலும்- நலந்தரும்
          
சிந்தனைகள்  நம்மில்  வளர்க்க
          
செய்யும் செயல்கள் நலமாய்  இருக்கும்
.
          
ஊரைத்  திருத்த  உன்னால் முடியாது,
          
முடியும்  உன்னை  நீயே  மாற்ற
          (நீ  ஏமாற்ற  அல்ல.)
          
எண்ணில்  சொல்லில் செயலில்
         
நான்வேண்டுவதெல்லாம்-என் பேச்சைஅடக்
 
எங்கும் எதிலும் என்னை வெளிப்படுத்த விரும்பும்
என் எண்ணங்களுக்குக் கடிவாளம் இ

மற்றோரின் குறைகளுக்கு தீர்வு கண்டு அதை
நீக்க முயலும் என் முனைப்புகளை உடைக்க.

எல்லாவற்றையும் அடிமுதல் நுனி வரை ஆராய
நினைக்கும் என் மேதாவித்தனத்தை மாற்றிவிட.

வட்டமாய் சிறகடித்து மேலிருந்து கீழே நேராய்
இரையை நாடும் பறவையைப் போல் சொல்ல
நினைக்கும் புள்ளியை நானடையக் கற்றுக்கொள்ள.

நான் படும் வேதனைகளைவலிகளை
அடுத்தவன் முன் கொட்டித் தீர்க்க நான் வாய்
திறந்தால், அதனை அக்கணமே மூடிவிட
அடுத்தவனுக்கு உதவிட என்றும் நினைக்க வைக்க - கூடவே
 
நானும் தவறிழைக்கலாம் என என்னையும் எண்ண வைக்க
புத்தாண்டுப் பிரமாணம் எடுக்கிறேன்.

நான்  பட்ட அனுபவங்கள் ஏராளம் இருக்கலாம்.
படிப்பினைகள் ஆங்காங்கே கிடைத்தாலும் கிடைக்கலாம்.
அவரவர் வாழ்க்கை அவரவரே வாழ வேண்டும்.

இவ்வையகம் விட்டு நாம் அகலும்போது நம்மை
நண்பனாய்நல்லவனாய் நினைக்க நால்வர் வேண்டும்.அல்லவா?

(வருகை தருவோர் அனைவருக்கும் என்  மனமார்ந்த இனிய புத்தாண்டு வாழ்த்துகள்)